Ko Te Aupouri tērā i eke i te whiringa toa o ngā wāhine pakeke ki te whakataetae pāwhutuporo Māori

  • Waikato/Te Waiariki

He tukinga taurite engari he tukinga hikaka te whiringa toa o ngā wāhine pakeke ki te whakataetae pāwhutuporo Māori ki Rotorua i ngā rangi whakatā kua hori.

Ahakoa i rerekē ai te wāhi i ōrite ngā hoariri ki tēnei wāhanga, arā, ko Te Aupouri ki a Tāmaki Makaurau. Kei a Rewa Harriman ngā whakamāhuki.

Kāhore he tīmatatanga i tua atu i tēnei mā Te Aupouri, he piro i ngā hekona toru tekau o te tukinga.

Ka pēra tonu te kounga o Te Aupouri, ka whai hua anō rātou, e rua anō ngā piro.

Heoi kei reira tonu te whakapono o te hoariri, ka whakawhiti rātou i te rārangi piro mō tā rātou piro tuatahi.

He tukinga ōrite tēnei i te haurua tuarua, ka whai piro a Te Aupouri, ā, ka whakahokia ko Tāmaki Makaurau.

I pērā rawa te ōrite o ēnei kapa, i oti taurite i te mutunga o te tukinga, nā reira ka tapiri atu he wā anō.

I te mutunga ko Te Aupouri tērā i eke ki runga e ono ki te rima, i kapo ake i te taitara nui whakaharahara nei.