Kaupapa: Touch Rugby

Ko Rangitoto ngā toa o te Whakataetae pā whutupōro mo ngā kura tuarua o te motu

Wikitōria Day

Kāre te ua i whakamākūkū i te wairua manawanui o ngā kaitautoko i tae mai ki te akiaki i ngā kaitākaro.

Ko te kēmu whiringa toa tuatahi ko tērā ki waenganui i ngā kōhine o te Kāreti o Rangitoto, me te Kāreti o Saint Kentigern.

I te timatanga ko St Kentigern kē te tira kaha ake. I kitea tērā i ā rātau mahi kōkiri, mea rawa ake, ka whakawhiwhia ki a rātau te piro tuatahi.

I pōhēhē a St Kentigern i tika tā rātau rārangi ārai hei turaki i te hoariri, heoi, i kite a Rangitoto i te wāhi e wātea ai rātau ki te whiwhi piro, ā, i tutuki.

I piki ake te kōunga o te tākaro a Rangitoto, nā wai, ka whakawhiti rātau i te rārangi piro. I ōrite ngā tatauranga.

He kōhao anō i kitea e Rangitoto, ā, nō rātau kē te maringa nui. I riro i a rātau te pironga whakamutunga, te pironga toa hoki o te kēmu.

Ko rātau kē ngā kōhine kura tuarua toa mō tēnei te tau rua mano tekau mā whā.