Kaupapa: Rugby League

Ko NSW kai runga, 1-0

Ruth Smith
  • Ahitereiria

Parahutihuti ana te haere o te kapa o New South Wales, ko rātau tērā i whakapau kaha kia toa ai i te kēmu tuatahi o te State of Origin ināpō.

Ahakoa te rere a te whakapae, i whai wāhi ai ngā torekaihuruhuru ki te puta ki te mura o te ahi, ā, ko ngā hua i kitea i te mutunga iho.  Tau katoa te āhua o ngā tauhou, ā, tino kore nei i kitea te aronga o rātau ki ngā hara o ngā rā kua hipa.

Kitea ai te mahi tahi i waenga i te tokorua, i a James Tedesco rāua ko Damien Cook ko te otinga atu ko ngā hua nui ki te kapa kahurangi.  Ko Tedesco hoki tērā hai kirikawa mō te kēmu.

Ko te uri o Ngāti Pikiao, ko Dane Gagai tētahi o ngā whetū tarakē o te kapa Queensland, e āpiti piro ana ki te tatauranga o tōna tīma.  Heoi anō, ko a ia hoki tērā i hāmenehia hoki i te takanga o te pōro i te wāhanga tuarua.

Ko te ihu o te waka o New South Wales kai mua i tēnei wā, ā, tākarohia ai te kēmu tuarua hai te rua-tekau-mā-whā o Pipiri ki Poihākena.