Ko ngā whakataetae ā-ao te aronga nui mā ētahi kainonoke ā-ringa nō Rotorua

  • Waikato/Te Waiariki

He taumata nonoke ā-ringa anō kua ekea e tētahi tokorua Māori nō Rotorua.  Ahakoa kua kotahi tau noa iho ngā tāne nei e mahi ana i te hākina nei, ā, kua whai taitara ā-motu rāua.

Ka mutu, e anga atu ana ki te kapo i te taitara ā-ao ki Poland hei te otinga o tēnei tau.  Tōna rima tekau noa iho ngā kainonoke ā-ringa ki Aotearoa nei, heoi, e whai ana a Maateiwarangi Heta-Morris rāua ko Monty Corbett kia rangiwhāwhā ai te hora o tēnei hakinakina ki te ao.