Ko ngā toa wāhine ngā kaiārahi o te whakataetae hahau pōro Māori

Mere McLean

Ko te tohu i te taumata kia eke, te mahi a ngā toa wāhine kei ngā tūranga teitei tokowha i te whakataetae hahau pōro Māori ā motu i te rā nei.

Mo Kate Chadwick, te wāhine toa o te tau ki muri nei, e hiahia ana ia ki te hiki i tana tākaro.

“Ka tātaihia ngā hahau katoa, he tino rerekē ki te tātai i ngā kōhao toa, ko te toa i tēnei rā, me mauri tau ia, ā, me kaha tana takaro.”

Ko te whakamātau i ngā kaihahau toa te mahi nui i runga i ngā papa tākaro o Te Puke i te rā nei.  E ai ki tētahi, he ara tēnei hei hiki ake i te Māori i roto i ngā mahi hahau pōro.

Hei tā Te Rongopai Clay, “Ko te whai wāhi te uru ki roto i te NZ Open tetahi tirohanga pai mā ngā kōhine Māori, na te mea ko ngā toa tokorima o Aotearoa ka uru atu, a, ko te toa o konei, ka hāere hei kanohi mā te Māori. “

Hei apopo ka rere te wāhanga e tātai ai ngā kōhao toa, ā, ka timata hei te whitu karaka i te ata.

Me te matapae, he taumata anō ka kitea.