Kaupapa: Sevens

Ko ngā taumāhekeke hoa whenua te whāinga ki a Stanaway

  • Waikato/Te Waiariki

Mā te tōnamana takiwhitu ki Kirikiriroa a whai ai a Teddy Stanaway i tētahi tūranga mā te tīma Taumāhekeke Hoawhenua.

Nā te wharanga ia i mahue ai ngā Orimipia ki Rio, kua māia ake ia kia hoki anō te pae.

Kotahi te whainga a Teddy Stannaway, ā ko te hokinga mai ki te kapa.

Na te wharanga te take i mahue ia i nga kowhiringa Orimipia ki Rio. Inaianei kua hoki rikarika mai ia ki te para i tana huarahi ki Te One Kura.

Hei tā te kaiako, hei tā Clark Laidlaw, ko te Taumāhekeheke Hoawhenua te karamatamata.

Engari, ehara i te huarahi māmā. Tekau mā toru ngā kaitākaro ka whakaingoa mo te tōnamana ki Kirikiriroa, engari ehara i te mea ka pera te tokomaha ki ngā whakataetae Hoa Whenua.

Ko te tohutohu a Laidlaw kia āta tana hāere, i runga i te mōhio he tangata pukumahi.

E mōhio ana a Aotearoa ka puta kaha mai nga hoariri o tā rātou puna whakataetae penei i a Wiwi, Koterangi me Āketina. Heoi e manako ana ka hikina to rātou wairua ki mua i te haukāinga.