Kaupapa: Softball

Ko ngā Taumahekeheke 2020 te aro a ngā White Sox

Rahia Timutimu
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

I ngā kapa wāhine toa e pakanga ana mo ā rātou karapu ki te whakataetae poiuka wāhine o Aotearoa, kei te pae tata ngā whakaaro o Poiuka Aotearoa.

Hei tēnei Hōngongoi te whakataetae a Ao ki Kānata. I te tau rua mano tekau mā whā i oti tuawaru mai a White Sox. 

I tēnei tau whakaingoa rātou i tā rātou kapa tekau mā whitu kaitākaro te rahi. Tekau kei Aotearoa e noho ana, tokowhitu kei tarawāhi.

Hāunga te whakataetae a Ao, he whakataetae nui anō tā ngā White Sox e aro nei, ko tēra ko ngā Taumāhekeheke a Ao a Raumati ki Tokyo hei te tau rua mano rua tekau.

I uru te poiuka ki ngā Taumāhekeheke a Raumati mai te tau iwa tekau mā ono ki te rua mano mā waru, heoi i whakatahahia i ngā kēmu rua mano tekau mā rua, tekau mā ono anō hoki.