Kaupapa: Commonwealth Games

Ko ngā Orimipia te pae tawhiti mā Troy Garton

Rahia Timutimu
  • Tāmaki Makaurau
  • Ahitereiria

Kua tau mai te kaimekemeke nei a Troy Garton ki te kainga, ā, he mētara rauwhero kua heia ki te kakī.

E rua tau ki muri, he kaiwhawhai ringarapa te uri Māori nei, engari ināianei, ko ia tētahi o te hunga whā tekau mā ono tāngata te tokomaha i whakawhiwhia ki tētahi mētara ki Te Taikoura, inapō hoki mai ai rātou ki te kainga.

Ka whakanuia tēnei ekenga āna e ōna hoa, e tōna whanau, e tōna māmā, e Sue Garton anō hoki.

He wawata anō tā te uri nō Ngāti Hine, arā, kia eke ki te kapa ka tū hei māngai mō Aotearoa ki ngā Taumāhekeheke Orimipia ka tū ki Tokyo, Hapāni hei te tau rua mano rua tekau.

I mua i tana rerenga atu ki ngā taumāhekeheke nei, raru ai tōna pona i a ia e haratau ana. He tūpono ka hāparaparatia te pona o Troy e te tākuta, whakatā ia mō te iwa marama.