Kaupapa: Rugby League

Ko ngā Mt Albert Lions ngā i te tukinga ki ngā Māngere Hawks

Rahia Timutimu
  • Tāmaki Makaurau

Ki te whakataetae Fox Memorial, he tino tukinga i waenga i te kapa Māngere Hawks me te tira Mt Albert Lions i te rauna tekau mā rua.

Ko te kapa nō te haukainga tēra i eke ki te rārangi piro i te tuatahi, ka whai piro i te kokonga matau.  Heoi, kāre i roa, ka whai piro hoki ngā manuhiri, kia piki ake te tatau e whā kaute.

Otirā, kāore i taro ka whakawhiti a Mt Albert ki te kokonga matau i te korenga o tētahi kaiārai, ka tuku whakamua rātou kia rua kaute i te wehenga rua, he ono ki te waru.

I te haurua tuarua, kāre a Māngere i rite i te whanatanga timatanga.  Ā, nā tena ka whai hua ai a Mt Albert, ka whiwhi i te piro.

Tata ka piro a Māngere, heoi kāre i eke hei tā te kaiwawao. Heoi anō i eke tā Mt Albert piro whai muri ake, i tā rātou rutu whakamutunga o te huinga tākaro.

He nanakia te mahi o te poutoko o Māngere, kia eke tana kapa ki ngā piro tekau i te papa tātai.

Heoi nā Mt Albert te kōrero whakamutunga, i whai i ngā piro e rua i ngā meneti tekau.

A, ahakoa te kaha marangai i te tangi o te pūtātara, i eke anō ai a Mt Albert i tā rātou piro tuawhā i te haurua tuarua, kia wikitōria ai i te tukinga, he toru tekau mā ono ki te tekau ngā tatau whakamutunga.