Ngā kaupapa: NRL, Rugby League

Ko ngā karapū rīki o Tāmaki e hāutu ana i ngā tira o te whakataetae takiiwa

Rahia Timutimu

I pōhiritia te katoa o ngā kapa Nines ki ngā karapu huri noa o Tamaki Makaurau, katoa rātou i tohua kia noho hei kapa manuhiri mā tētahi kapa haukāinga. He wā hei tūtaki i ngā kaitākaro toa o te whakataetae NRL. I reira a Te Kāea ki ngā karapu a Pakuranga, Papatoetoe hoki, ki te tūtaki ki ngā kaitākaro Māori o te kapa Bulldogs, Eels anō hoki.

Ko ia tangata, ia tamaiti me tana kuri i te karapū o Pakuranga Jaguar.

I whakahaerehia e te kapa Bulldogs ētahi wānanga ma ngā tamariki, ā, i waenganui i ngā kaitākaro tekau mā ono ko ngā uri Māori nei a Sam raua ko Lloyd Perrett no Ngati Ranginui, a, e hīkaka ana kua hoki mai ki te kainga.

Ko atu i te kotahi mano rima rau ngā tāngata i ikapahi atu ki te kaupapa, na tēra i whai wāhi ano ai te karapu ki te kohi i nga rēhita kaitākaro.

Hei tā te hiamana o te karapu a Hilary Skelton, he huanga pai i puta mo ratou.

Kei te tukinga tuawhā te kapa Bulldogs e tākaro ana ki te whakataetae ka tīmata apopo.