Ko ngā Bulletz te kapa tāne toa i te whakataetae pāpōro o Whakatāne

Te Kāea
  • Waikato/Te Waiariki

I whai wāhi atu te tini ngerongero ki Whakatāne te tautoko me te hāpai i te tonamana pāporo o Whakatāne i roto i tōna tau rua tekau mā iwa. Koia nei te tōnamana matua o Aotearoa mō ngā karapu pāporo, a, kotahi anake te kapa tane matua i hiki ake i te taitara o te tau.

Kare he mea tua atu i te wikitōria.

I moata te karawhiu a te kapa Bulletz ki a rātou hoariri tata nō Rotorua a Lock N.

I te wehenga tuarua ka kōkiri te waka a te kapa nō te Taitonga o Tāmaki Makaurau, ka mahue ki muri a Lock N ki te kai i te puehu.

E ai ki a Kimo Houltham nō te tīma Lock N, “Kātahi anō tā mātou kaiwhakahaere ka whakamārama kia maumahara ki tēnei mamae a ko te tumanako ka hoki mā ki tēnei whakataetae. Ka kawea tēnei mamae i roto i a mātou. Kia whakatā anō i te ahi.”

Engari i a Lock N a rātou ake taonga, tuku tere atu te rere o tā rātou tākaro.

I te otinga ake ka whakairihia ngā whiringa toa, e wikitōria ai ngā Bulletz he whitu ki te rua. Ko a rātou wahine hoki i kapo ake i te taitara mā ngā wāhine matua, hei whakanui i te timatanga o te tau mō rātou.

E whakanui ana te kaiwhakahaere a George Rogers i tōna rōpu mō te whakahaere i ngā kapa whitu tekau mā rua i tae mai ki Whakatāne.