Ko Mehiko hei hoariri mā ngā Black Sox

Ko Mehiko te hoariri tuatahi a te kapa Tōkena Pango i te whakataetae o te ao ka tīmata ki Te Raki Paewhenua hei te 1 o Poutūterangi.

Kātahi anō ka puta ngā whakaritenga mō te whakataetae nui, ā, kei te puna 'A'; a Aotearoa rātou ko ngā kapa nō Mehiko, Kānata, Hapanī, Āketina, Piripīna, Korōpia me Horana.

Hei tā te kaiako, a Eddie Kohlhase, "he whakaritenga pakeke nā te mea ko Kānata, Hapanī me Horana ngā tino kapa i te ao poiuka."

Hei tāna anō, "ahakoa te whakapātari nui kei mua, he āhuatanga whakaongaonga hoki."

Kairīpoata: Rewa Harriman