Kaupapa: UFC

Ko Hunt e whakakanohi ana i te huihuinga UFC i Ahitereiria

Tamati Tiananga
  • Tāmaki Makaurau

He wā tōna kāore te kai-whawhai reanga taumaha a Mark Hunt i hiahiatia e te ohu hākinakina UFC. Ināianei, koia tērā e whakakanohi ana i te huihuinga UFC ka tū ki Ahitereiria hei tērā wiki. 

He pakanga nui kei mua i tōna aroaro, ina, ko Antonio Silva te toa tuawhā o te ao.

I kōrero atu a Tamati Tiananga ki a Hunt i a ia e whakatikatika ana mō te whawhai ka tū ki Poitīkape hei te tuawhitu o Hakihea:

Ko te ono karaka i te ata te wā, ā, e whakarite ana a Mark Hunt i mua i te taenga mai a ōna hoa whawhai, kaiako hoki.

Nō mātou tonu o Te Kāea te whiwhi, i whakaaetia tā mātou whakaāhua i āna whakaporotū whirikoka me te aha, kua tino kitea tōna hiakai kia puta hei toa

E koke ana a Mark, haunga rā ngā piki/heke o āna whakariterite mō tāna whawhai ki a Junior Dos Santos.

Ko Bigfoot kei te aroaro, he kaiwhawhai mōmoho, engari tērā anō ngā pūkenga o te uri Hāmoa nei ka whakaaturia ki te mura o te ahi UFC.

Hangaia mai i te whana meke, mekemeke, mamau, me te jiu jistu o Amerika ki te Tonga, ko te mātanga nānā te momo whawhai o Hunt i whakairo ake, ko te kaiako matua a Steve Oliver nō Ngāti Porou.

Hei te Rātapu nei rere atu ai a Hunt ki Piripane.