Ko Carrington te tino tohunga kaihoe kōreti o Aotearoa

Taroi Black

Ko Lisa Carrington te tino tohunga o ngā kaihoe kōreti o Aotearoa, i tana wikitōria i tana metara koura tuarua i ngā whakataetae o te ao i Milan.  

E rima katoa āna mētara koura ā-ao ināeanei, me te aha, kua hinga i a ia te rekoata a te iho pūmanawa o Aotearoa mo ngā mētara, a Paul Macdonald.   

Kei te kotihitihi ano a Lisa Carrington.  

I pōturi te timatanga a te kaihoe toki o Aotearoa, heoi, i hoki kaha mai tōna whakautu i a ia e turaki ana i ana hoariri mai i te whā tekau hekona kia toa i a ia te reihi. 

He ūpoko pakaru te koke ki tōna mētara kaura tuarua ki Milan, ki reira ka kiia ai te tino o ngā kaihoe ka puta ki te whakataetae Orimipia ki Rio a tērā tau kia riro anō i a ia ngā mētara koura e rua.

Kua puta ano hoki te whakatau a Carrington ka whakamātau ia mo te kapa takirua i Rio.