Ko Bateman pea te kaiārahi o te haka mo ngā Ōpango Māori

Ko te ahua nei ma te kapene a Tima Bateman te haka e arataki mo t e whakamatautau ki ngā Eagles hei te Ratapu nei.

Heoi, tokomaha ngā tautohito I roto I te kapa e taea ai te whakaki I tera tuunga rangatira.

Koinei te wananga Māori tuatahi ma ngā kaitakaro hou a Chris Smylie raua ko Quentin MacDonald, he ahuatanga ano hei whakahiato i te tokorua nei ki te kapa.

Ahakoa kua whai wāhi raua ki nga kapa Māori o mua, ka nui te hari me te koa ka mau I a raua te poraka Māori, me te whakawana a te haka i a raua.

Heoi ahakoa ko wait e kaitataki, kahore e kore ka kitea te ihi me te wehe hei te Ratapu nei.

I whai wāhi a Luke Crawford te kaiārahi i ngā take Māori mo te tira ki te whakamarama mai ki a Te Kāea ngā ahuatanga whakahirahira o tā rātou ū ki ngā tikanga Māori.