Kihai ngā Hawks i taea te turaki i ngā Saints

Aroha Treacher

I kitea anō ko te tira Saints nō Pōneke tētahi o ngā tira pāuaua i te whakataetae poitūkohu o Aotearoa.

I rangona e ngā Hawks te rangatiratanga o ngā Saints i ngā meneti whakatūwhera, nā te ringa o te kaiārai a Corey Webster.

Ahakoa e upoko pakaru ana te whiu o ngā Hawks, ka mārō ake te mahi wawao o ngā Saints, a, ko te mea hianga i tāea ai a Davis ki te mau i ngā turapa, tekau mā whitu katoa, he tatau teitei rawa o ngā kaitākaro katoa.

I tū rangatira ngā Saints i te keemu katoa, i te wāhanga tuawhā, mārakerake te kitea, ko rātou ngā toa.

Ahakoa te pakanga me te whakahekenga o te tōtā, i te otinga ake kei runga noa atu ngā pūkenga o ngā Saints, nā whai anō, koinei tā rātou taitara toa tuawaru.

I tata kikī ngā tūru katoa o te whare tapere i tō rātou ake tūrangawaewae, he whakamutunga pai rawa atu ki ngā toa o tēnei tau.