Kaupapa: NRL

Kia toa e Dane Gagai o Pikiao i te mētara Wally Lewis mō te whakataetae State of Origin

  • Ahitereiria

Kua whakamāui ake te kapa Queensland Maroons i te pari o te rua kia eke panuku ai rātau i te whakataetae riiki State of Origin ki runga ake i te kapa New South Wales ki te taiwhanga o Suncorp ki Piripane.

He kaipāpāhō a Dale Husband ki Radio Waatea. Hei tāna, nā ngā ika āwhiro rātou i whakaputa ai te ihu, hei tauira mō tātou katoa.

Ko Dane Gagai o Ngāti Pikiao te paehau tuatahi ki te whiwhi i te Tohu Wally Lewis e tohu ana i kaitākaro toa o te whakataetae.

Ko tā Husband, koia kei a ia, me whai i te mētara Wally Lewis ka tika.

Ahakoa ngā raru ki tana kapa Newcastle i te NRL, kua puta a Gagai hei toki i te taumata Origin. Neke atu i te rima rau mita ana omanga whutupaoro i nga tukinga e toru.

Hei tā Husband, he toa a Gagai engari kua heke tōna taumata tākaro.  He tātai whakapapa motuhake hoki tōna, hei tā Husband, nō reira he momo.

Hei te tau e heke mai nei ka tomo atu a Gagai ki te kapa South Sydney Rabbitohs.