Ki O Rahi teams compete to celebrate Matariki

Dean Nathan
  • Te Tai Tokerau

Ki Whangarei Terenga Paraoa puta atu ai te kapa whutupōro ā rohe, arā, te kapa Taniwha ki Te Kuratini o Te Tai Tokerau i te rā nei. Nō te tākaro Ki-o-Rahi te karanga nui o te rā, ā, mā kōnei ake anō whakanui ai rātou i te ahunga mai o Matariki.

Kahore i tua atu i te mātahi o te tau hei whakaaraara i ngā tākaro tūturu o te ao Māori pēnei i te Ki O-Rahi.

Hei tā Huhana Lyndon o Tai Tokerau Wānanga, “Ae ohorere pai rātou ki te tākaro i tēnei kēmu.  Otirā i kite, (ahhh) kei te tino mōhio ā tātou taitamariki ki tēnei kēmu.  Nōreira he pai ki te mātakitaki i ā tātou taitamariki e wero ana i ā tātou nei taniwha o Te Taitokerau.”

Tūmeke ana ngā taniwha kia rongo ai rātou, i tua atu i tēnei rerenga tango ripene he rerenga tuki tinana hoki tō te Ki O-Rahi.

Hei tā Phil Kite nō te tīma Taniwha, “Oh well that'd be pretty brutal wouldn't it?  Yeah, full contact… don't even know where the contacts coming from- would be pretty frightening but yeah I guess it would be fun.”

I ēnei rā ko Matariki he wā e whānui ai ngā mōhiotanga ki ngā tūranga me ngā pūkenga o ēnei taonga tākaro.  Ko tā ngā Ki Oma he oma, he huri, he pa ki nga pou, he tiaki hoki i te taonga, aa heoi ano ta te taniwha e patu i te tupu.

Hei tā Huhana, “A, te neke o te tinana otira te mahitahi o nga kaitakaro, e whakawhitiwhiti korero ana ki runga I te papa takaro me pehea te nekeneke o te tinana noreira he pai ki te mataki i tenei kemu o te Ao Maori.”