Kelly Ann takes to Zumba world stage

Tema Hemi
  • Tāmaki Makaurau
  • Waikato/Te Waiariki

He kaiako ZUMBA nō Te Aitanga a Mahaki a Kelly Ann Nikora ka wero atu ia i ngā mātanga ZUMBA nō te ao whānui. I tohua ko ia i te kōwhiringa toa o 'ZUMBA Next Rising Presenter' ka tū ki Orlando hei te marama e tū mai nei. 

Kei te whakarite a Kelly Ann Nikara ki te whakakanohi i a Aotearoa ki te atamira o te ao.

Ko tā Nikara kōrero, "Āna kei te whakahīhī au koira hoki taku tino wawata hei whakakanohi i te iwi Māori me taku taha whakapono hoki."

E ngākaunui ana a Nikara ki te whakakorikori tinana.

Ko tā Nikara anō, "I haria atu e taku hoa ki tētahi karaehe ZUMBA kātahi au ka whai hua nā ngā mahi a te kaiako ko Crystal tōna īngoa ā ka whakāro au mehemea ka taea e ia ka taea hoki ko au, arā i tipu mai te kōingo me taku tino aroha mo ngā mahi nei."

Mā tōna wehi hoki ka ahei ia te haere atu ki Orlando ki te whakataetae nui taioreore ko 'ZUMBA Next Rising Presenter'.

E tawhiti ana te huarahi kei mua i ā ia, anei anō tā Nikara mo ōna whakaritenga, "ka wehe atu au hei te rua tekau mā tahi o Hurae, kei reira au mo ngā rā tekau mā tahi. E whā ngā rā o te ZUM con. Kei ahau hoki tētahi wāhanga o te 'let it move' ā he tino hōnore tēra mōku i te mea he atāmira tēra mā ngā ika ā-Whiro anake."

Ko Nikara tētahi o te tokoono o te kōwhiringa toa, i ahu mai ētahi no Hanekari, Pōrana me Āketina. Ā ehara i te mahi māmā kia tae ia ki tēra kāhui.

I whakakōpani ia me tēnei kōrero, "ko te tikanga ka tuku e rua ngā kanikani nāku anō i hanga, he whakamaramatanga o tōku pepeha me ōku whēakotanga ā i waimarie au ko au tētahi i tohua mo te kōwhiringa whakamutunga."

Ka timata te whakataetae hei te rua tekau mā rima o Hurae, ka wehe atu ia hei te rua tekau mā tahi.