Kaupapa: Rugby

Kei waho ngā Hurricanes i te taumata takiono

  • Te Whanganui-ā-Tara

He hinganga matekiri i tērā wiki i heke ai te kapa Hurricanes i waho atu i ngā kapa e ono o runga, nā whai anō te karanga kia piki ake te kapa ki taumata anō.

Ahakoa āna mahi pai, ka noho a TJ Perenara ki te pae hihiri i tēnei wiki, ā, ka kuhu mai ko te poutoko Māori o Te Ātiawa a Chris Smylie me tana hono anō ki tētahi hoa ō-mua.

I whakahētia ngā mahi whana o te kapa i tērā wiki, heoi, he mahere anō ka whaia e rātou i tēnei wiki kia whakamahi ngā toki o te kapa.

Ā, me pupuri ka tika ki te pōro i tēnei wiki, nā te mea e haere mai ana te tira Western Force whai muri i tō rātou tūraki i te kapa Crusaders i te Rāhoroi kua hipa.

Hei tēnei Rāmere tū ai te tukinga i waenga i ngā Hurricanes me te tira Force ki Te Whanganui-a-Tara.

Kairīpoata:  Paul Mikkelson