Kei te whakarite a Ella Toa mō te whakataetae hoe waka ā-ao ki Rio

Hei te Here-turi-kōkā tīmata ai te whakataetae hoe waka ā-ao ki Rio. Tūtaki mai ki tētahi uri o Te Āti-Awa me Maniapoto e whakarite ana mō te taumāhekeheke nei.

Kei te pouritanga te māramatanga e tiaho ana.  E whakatika ana a Ella Toa ki te Whakataetae Hoe Waka Taina ka tū ki Rio a tērā marama.

Kei te whakataetae ia i te rēhi takiwhā hoe rua wāhine taina, ā, mō ngā wiki e rima kua taha ko te whāinga matua a tana kapa ko te tapatahi o te haere.

Mō tēnei taiohi 17 tau te pakeke i kōrekoreko mai ia i ngā kaihoe toa o Aotearoa. 

Ā, ahakoa ngā taunahua, kei te ururoa tana oke.

Hei te 31 o Hongongoi rere atu ai ia ki te taumāhekeheke hoe waka a-ao.