Kaupapa: UFC

Kei te whakareri a "The Immortal" Van Duin mo tana whawhai ki Amerika

updated Tamati Tiananga
MMA fighter Faith Van Duin, Te Arawa

Kua waitohu kirimana a Faith "The Immortal" van Duin me te tauwhāinga whawhai o Invicta ki te reanga featherweight.

I eke te uri o Te Arawa hei toa mō te wa tuatahi i te whakataetae Storm MMA ka mutu, kua wehe kē ia ki Houston, Amerika ki te whakaharatau mō tāna whawhai nui hei te tuarima o Hakihea.

E whakapono ana a van Duin ka wikitoria a ia hei ēnei rangi whakatā ka mutu, ka tutuki te whāinga, ka eke ko ia hei toa i te taumata feartherweight mō Invicta a tona wā

Ko ia te toa tuatahi i Aotearoa nei, ko ia te toa tuawhā i te ao o te rēanga MMA featherweight.

He tata ki te toru tau noa a ia e parawhakawai ana i te tākaro nei, ko ia kei te tihi o te tākaro, ko ia hoki te wahine māori tuatahi kia whai kirimana, e rima whawhai te roa.   

Ki ngā tū whawhai katoa ihu oneone ai tēnei ika ki tōna kāinga i Pāpāmoa.