Kaupapa: Rugby

Kei te whakapono i ngā kaitākaro Ōpango kia ū ki te tika

E ai ki te kaiako o te kapa Ōpango a Steve Hansen, kahore ngā ture mō te inu waipiro me te hāerere haere hei te wā o te Ipu Whutupōro, ā e whakapono ana ia ka mahi tika ōna kāitākaro.

Kua poroa atu ngā kaitākaro kāore i hiahiatia, ā, mā ngā mōrehu nei, ngā wawata o te motu whānui e pīkau.

Hēoi mō ngā ihuhupe pēnei i a Nehe Milner-Skudder, kua noho ko ngā tūākana hei kaiāwhina mō ngā uauatanga o tēnei mahi.

I tēnei rangi kei te mura te ahi mō ngā toa kapa Warriors, mō Konrad Hurrell, Manu Vatuvei, rātou Dominque Peyroux.  I tae rātou ki te konohete a Ginuwine e rua rā i mua i te hinganga, e rima tekau piro te nui, i ngā Tigers.  E whakapono a Hansen ka mahi tika tōna kapa.

Engari me hoki ngā mahara ki te tau rua mano tekau ma tahi, nā Piri Weepu i āwhina i ōna hoa itākaro a Cory Jane rāua ko Israel Dagg i a rāua e inu waipiro ana.  E ai ki Brodie Retallick me noho Tangaroa Piriwhare ki te kaupapa.

Hei āpōpō ka puta atu te kapa ki ngā taone iti o te motu, kia kite ā-kanohi ai o rātou kaitautoko mō te Ipu Whutupōro o te Ao.