Kei te whakapakari te kapa Warriors i a rātou ano i mua i te Kirihimete

Ko te hiahia o te kapa Warriors kia pakari ai ngā kaitākaro mō te tau tākaro hou nāreira ko te oma te mahi nui i a rātou e anganui ana ki te nakawhiti o ngā kaitākaro, i tēnei wiki whakamutunga o ngā whakaharatau tōmua i mua i te whakatā mō te kirihimete.

E whakaheke ana i ngā mōmōna o ngā hākari kirihimana i mua tonu i te rā.

Kua hanga pakari ake ngā tinana i tēnei wā whai muri i te kotahi marama o ngā whakaharatau tōmua ki ngā tau kua hori nā te rautaki nakawhiti mō ngā kaitākaro.

Ahakoa e whakapeto ngoi ana te kapa nei kia tū rangatira hei te tau hou, ka tīmata tā rātou tau tākaro rua tekau o te NRL me ngā tukinga e rua ki Ahitereiria ki ngā kapa o Newcastle me Canberra.

E ai ki te raupapa tekau mā rua ngā tukinga ā kāinga to te kapa Warriors, tekau mā tahi o rātou ka tū ki Mt Smart.

He whakaharatau pau te kaha anō i tēnei wiki kātahi ka whai wāhi rātou ki o rātou whanau mō te kirihimete me te tau hou.

Heoi whai muri i te kai o te kirihimete me ngā whakangahau o te tau hou, ka kotahi te titiro a te kapa ki te whāinga matua.