Kei te tārewa tonu nga whakaritenga mo te kaitākaro NRL a Apirana Pewhairangi

Tamati Tiananga

E hiahia ana a Apirana Pewhairangi te tākaro anō i te whakataetae NRL a terā tau, hēoi kei te tārewa tonu ngā whakaritenga engari ko te manako nui ka tau mai he tono ki a ia.

Kua hoki mai a Pewhairangi ki te wā kāinga nei ki te noho tahi me te whānau i mua i tana hoki atu ki Ahitereria mō te whakataetae ngā hau e whā hei enei rangi okioki me te kapa o Te Raki.     

Kua ea te wa ki a Apirana Pewhairangi me te kapa Parramatta Eels o te NRL, ka mutu e tarewa tonu ana tana takaro i te NRL mō te tau rua mano tua ngahuru mā rima.

Hei tā te pouwaenga, topatahi nei,e whakaarohia ana a ia mēna rā oranga tonu mona i te NRL.

E ai ki a Pewhairangi kua waiho ma tana kaiwhakahaere taua mahi, engari i whākina mai e ia ka whai oranga pea a ia ki Airani, no tēra tau takaro ai a Pewhairangi mo Airani ki te Ipu o te Ao.  

Kei reira anō te whakaaro ki te takaro whutupaoro.

Hei te rā nei hoki atu a ia ki Ahitereria ki te tākaro mo te kapa no o te Raki mo te whakataetae ngā hau e whā, ko te kaitakaro kiwi o mua a Mark Horo te kaiako, whai muri mai ka mau a ia i te poraka māori, he momo whakamatautau kua whakaritea ki te kapa te Iwi Moemoea.