Kaupapa: Rugby League

Kei te rapu ngā karapu rīki i ngā whetū kōrekoreko hōu o te kēmu

  • Tāmaki Makaurau

Kua tino tipu te hiahia ki te whakataetae rīki kura tuarua ā-motu, kua tau mai ngā karapu rīki tekau mā ono o te NRL ki te whakataetae ki te rapu i te whetū kōrekoreko hōu o te kēmu, ā, nā tēnei he tini ngā huarahi hōu kua hua mai mō Ngāi Māori.

He māra haumako e kato pūmanawa ai ngā kaikimi o te NRL.

E tū ana te whakataetae rīki kura tuarua ā-motu i te wiki nei, ā, kua minamina ngā karapu NRL katoa ki ngā pūkenga o ngā kura tuarua o Aotearoa.

Kātahi anō te hiku o te kapa Warriors a Brad Abbey ka waitohu kirimana ki te kapa Bulldogs mō te tau 2016, ā, ko ia tētahi i whēriko mai i te whakataetae nei.

Ko te whetū o te kapa o Mt Albert Grammar ko Bostyn Hakaraia tētahi kua kapohia e tētahi kapa nō Ahitereiria. 

Hei tā Bostyn Hakaraia, “I tīmata i tēnei tau i te tīmatanga, i hāina ki te rōpu o Gold Coast mō ngā tau e toru ko tēnei te tau tuatahi, ā, ka whai ngā tau e rua e haere ake nei.”

Ko konei, ko Ahitereiria rānei te paetawhiti mō ēnei toa, ahakoa te aha kua mura mai he ara ki a rātau.