Kei te piki ake te mana o tētahi kaitakaro whanapoikiri Māori

Tērā tētahi kōhine Māori kua toru tau noa e tākaro ana i te whana poikiri, heoi kua tere kake ia i ngā taumata o tēnei tākaro i Aotearoa.

Koia te kaiārai ka tū ki roto i te rohe piro, ka aukati i ngā pōro e whanaia mai ana e te hoariri ki roto i te neti.

Hei tā Abigail, “Pai ki au tenei tūnga rerekē, he tūnga e ahei te tohu mena ka hinga ka wikitoria ranei te tīma.”

E mārama ana a Abigail ki te mahi nui kei mua i tōna aroaro,kia tutuki ai ōna moemoeā,  ā koia nei te take kua tahuri aia ki te kaiako whana poikiri o Coerver Coaching a Phil Parker.

Otira, e whakapaetia ana e Abigail, kei roto iaia e rere ana ngā toto o ōna nei mātua, na raua i whakatō te wairua whakataetae ki roto iaia.

Ia tau ka whakamahiti korou te uri nei o Ngāi Tahu kia pakari ake ai ōna pūkenga, ā, ko te hāere ki Amerika ako ai, tākaro anō ai, tētahi tino moemoeā ōna.