Kei te pae ōrite a Tīma Aotearoa, a Oracle hoki

Ko te tino huringa tai tēnei i te hītori o te hākinakina?  I ārahi a Tīma Aotearoa e waru ki te kotahi i te ipu Amerika, kotahi noa te wikitōria kia kapohia ai tērā taonga engari kahore a Oracle i tuohu noa.

Nō te rangi nei ōrite ai ngā tatauranga e waru ki te waru.

Kikī anō ana te puku o Tāmaki Makaurau i ngā kaiwhaiwhai o Tīma Aotearoa.

Engari i whakarerea o rātou manako i te tīmatanga o te reihi tuatahi, whai muri i ngā hāmene e rua i tukuna ki a Tīma Aotearoa i mua i te reihi.

Ahakoa i whakatata atu a Tīma Aotearoa ki a Oracle i te katoa o te reihi, ko te tīmatanga anō te rerekētanga, i eke panuku anō a Oracle mā ngā hēkona ??.

Ahakoa te hōhā, i tautoko tonu ngā kaiwhaiwhai i a Tīma Aotearoa mō te reihi tuarua, me te mōhio kei a rātou te taha mauī i te tīmatanga. 

Ā, i whai āwhero hoki te putanga.

E rua e rua ngā waka ki te māka tuarua, engari e ārahi tonu ana a Aotearoa.

Heoi, ko te nekenekenga o Aotearoa a muri atu, tō rātou matenga, i puta ai te ihu o Oracle.

Ko Oracle anō i whakawhiti tuatahi i te rārangi mutunga, kia ōrite hoki ai ngā tatauranga e waru ki te waru.

Ā, koia hoki te manako o Dean Barker mā āpōpō.