Kei te kōkiri whakamua a Reuben Te Rangi

Kei te whakariterite ngā toa whakaihuwaka poitūkohu ANBL, te kapa NZ Breakers i a rātou anō mō te timatanga mai o tēnei tau tākaro i Poihākena i tēnei wiki. Mō āpōpō rātou hono atu ai ki ērā atu kapa poitūkohu ANBL hei kākari i te ipu Loggins Bruton me te mea anō hoki, e hiamo ana te uri o Ngāpuhi a Reuben Te Rangi kia tae atu ki te pae o te riri.

I puta huakore te kapa Breakers i roto i ngā kēmu e rua ki te kapa Melbourne Tigers, ā, hei tā te kaiako tuarua hōu, tā Paul Henare, he nui tonu ngā mahi kei mua i te aroaro.

Ka tae atu ngā tīma e waru ANBL ki te tōnamana Blitz i Poihākena, nā ka pakanga atu e rua ngā wā mō ngā hōnore nui o te ipu Loggins Bruton.

I runga tonu i te wharanga o te rekereke a Alex Pledger, kua eke anō rā a Duane Bailey ki te tira haere.

Pēnā ka whakatauria tō rātou āhua i runga anō i te pakari i kitea i te whakangūngū, korekore ka eke rātou i ngā kēmu katoa i Poihākena.