Kei te hoki te mana Māori ki te aō tēnehi

Āe mārika, kātahi te hokinga ki te aro ā te tini mō te kēmu tēnihi, i tōna kaupare i ngā taitapu kua tino patu i a ia i roto i ngā tau tata nei ki muri.

Ā, e tika ana i runga anō i te wikitoriatanga ā tētahi tokorua uri Māori nō Tūwharetoa, a Kyle Butters rāua ko Paige Hourigan. Nā rāua i toa ngā taitara mā nga kaitākaro, he ngāhuru mā waru tau te pakeke heke iho, i ngā whakataetae tēnehi ā-motu.

Heoi, hei tā Dick Garrett, tumuaki matua o te ohu tēnei Māori o Aotearoa, he nui tonu te mahi kei mua i te aroaro.

E ai ki a Garrett, he take nui tonu te kimi pūtea taunaki e rea ake ai te hākinakina nei, ā, kia whakawhanui hoki i te puna kaitākaro Māori.

Hei tāpiri atu, kua hoki mai te rongo o te wikitoria a Hourigan rāua ko Butters i te wā tika, i a te ohu nei e anga atu ana ki tā rātou whakatatae ā-motu Māori, e waru ngāhuru mā whitu.