Kei te āta wānanga a Marshall i ngā nekehanga a te kapa Blues

Aroha Treacher
  • Tāmaki Makaurau

Harikoa ana a Benji Marshall kua hoki mai ia ki te kāinga, whai muri i te tekau mā whā tau ki Poihākena.

Ahakoa e manahau ana ia e nohotahi ana ki tona whanau i Whakatane me te whakatau i a ia ano ki Tāmaki Makarau, e ata whakāro tonu ana ia ki te wero nui kei mua i tona aroaro.

Hei tā Benji, he nui āna rangahau mō te kēmu, te mātaki i te rautaki tākaro o te kapa Blues, ngā tūnga rerekē, me te whakaaro anō ka pēhea tana tau ki waenga i te kapa.

Kua mea mai te kaiako o ngā Blues a John Kirwan, ko te tūnga topatahi te paetawhiti, engari ko te hiku te paetata mā Benji.

Nōna e tamariki ana, i tū a Benji hei poutoko, topatahi me hiku engari ahakoa tana piringa ki ngā Blues, ko tana whāinga matua kia whai wāhi ki te aro-ā-kapa.

Ahakoa e arotahi ana a Benji ki te whakataetae Super 15 me te kapa Blues, hei muri ake pea ko te tākaro takiwhitu, ā, he hiahia hoki nōna kia tākaro mā te tira Ōpango Māori me ngā Ōpango.