Kaupapa: Netball

Kei te aru tonu a Mystics mo tā rātou wikitōria tuatahi

Rahia Timutimu
  • Tāmaki Makaurau

Kaore anō kia wikitōria a Mystics i tētahi tukinga ANZ, ā, nō te rā nei tū ai ia rātou tētahi rā hei whakanui i ā rātou kaitautoko, ahakoa ngā momo raruraru kua pā ki te kapa. E whakareri ana te kapa mo te rauna tuarima, ā, he tukinga uaua e whai ake nei, inā rā, ko te hoariri, ko Adelaide Thunderbirds, kua toa i tēnei whakataetae i ngā tau e rua kua taha ake nei.

Ko te kaupapa o te rā, ko ngā kaitautoko, heoi anō, ko te aro, kaore anō a Mystics kia wikitōria i tētahi tukinga i tēnei tau.

He toru hingatanga, he kotahi te tukinga i ōrite ngā tatau tā Mystics i tēnei tau, ā, kei te whiore rātou o te tēpu whakataetae.

Tekau mā tahi ngā momo panonitanga tā rātou i te tukinga ki a Tactix

He tukinga ki waenga i ngā kapa e rua, kāre anō kia wikitōria i tētahi tukinga i tēnei tau, tēra ki waenga ia Thunderbirds me Mystics. He whā ngā hinganga karapīpiri ā Thunderbirds i tēnei tau. He hua kua roa e tāria ana mā ngā kapa e rua, ko tētahi ka angitū hei te Rāhina e whai mai nei.