Kaupapa: Rugby

Kei te arotahi te kapa Ōpango Māori ki tā rātou nonoke mō te whakamātau ki a Hapāna

E rua tekau mā toru mano tīkiti kua hokona atu mō te tākaro whakamātautau tuarua ki waenga i te kapa Ōpango Māori me Nīpono, ka tū ki te taiwhanga o Prince Chichibu ki Tokyo āpōpō. 

I whakatā te kapa i te ata nei, ko ngā kāpene noa i whakaharatau.  Heoi kua tae atu ki te mutunga o te wiki, te wā me arotahi ai te kapa ki te tukinga kei tua.  Ā, ahakoa i haukerekerea e rātou te hoariri i tērā wiki, i mōhio ai rātou he ngoikore ki te wāhanga o ngā nonoke, nā whai anō i kotahi te titiro ki tērā wāhanga i tēnei wiki.

I hoki atu te kapa Ōpango Māori ki ngā akomanga nonoke i tēnei wiki.

Koirā hoki te wāhanga ngoikore i te whakamātautau tuatahi, e hia kē ngā hāmene, ka mutu e rua ō-roto he hāmene piro.

Mārakerake ana te kitea ko te nonoke tētahi aronga matua i tēnei wiki.  Nō reira, me whakapakari, whāia, me uru kahikatea te whiu.

Ahakoa ngā raruraru i ngā nonoke i te whakamātautau tuatahi, i koa katoa a Mike i ngā mīniti katoa o tāna whakamātautau tuatahi, ā, ko te haka te tōpito putaketanga.

Ā, nā te whai wāhi kia aronui ki ngā nonoke i te wiki, e anga whakamua ana a Mike mā kia tū kaha ai i ngā nonoke.