Kei te anga whakamua te hunga hauā i te Taekwondo

Aroha Treacher
  • Te Tai Hauāuru

Mō te wā tuatahi ka ahu atu he tira o te hunga hauā ki te whakataetae Taekwondo o te ao.

E whā ngā rā o te wiki e whakangungu ana rātou, otira, ka nui kē ngā hua o te Taekwon Do ki a rātou.

"Kei te kite mātou i o rātou pitomata, me kore mātou i te kī, kao, ka kore rātou e tāea ai," tā te kaiako matu a Ben Evans.

E whā ngā rā o te wiki e whakangungu ana rātou, otira, ka nui kē ngā hua o te Taekwon Do ki a rātou.

"Koia kei a rātou," tā tētahi o ngā kaiwhakataetae Aidan Pellett, "he roopu pai rātou."

Hei tērā tau ka ahu atu rātou ki te haerenga nui rawa, ka kawe rātou i ngā kara o Aotearoa ki te whakataetae nui o te ao.

"He mea miharo rawa ki te kite i tā rātou tipu i tēnei hākinakina, metemea anō, ka tāea hoki rātou te maumahara i ngā mahi-a-tinana katoa, miharo," tā Evans.

I tō rātou wāhanga, ko te koi a ngā mahi-a-tinana ka whakawāngia, kaua ko te mahi whawhai.

Heoi, ehara i te haerenga ngawari noa, tekau mano taara te utu mā ia tangata, nā reira, kei te ngana rātou ki te kohi pūtea mō te whakataetae hei tērā Hōngongoi, e whā ngā rā te roa.