Kaupapa: Rugby

Kei runga noa atu ngā Ōpango Māori

Kua patua te kapa Māori e nga Eagles no Amerika i te whakamatautau i Philadelphia i te ahiahi nei, i te whakamatautau whakamutunga o haerenga ā-tira ki Amerika ki te Raki.

Harikoa ana rātou kua wikitoria, a he whakamatautau tinana tukituki tenei, engari i upoko maro rātou kia eke panuku.

Na te wharanga a Piri Weepu, i tu maia ai a Tim Bateman ki te taki i tona kapa mo te haka, hei kapene hoki.

A kāre i roa ka piro tuatahi te kapa Māori ma ngā whatu koi a te poutoko, a Jamison Gibson-Park.

Engari he wa tomua tonu te kemu, a kaore te kapa Eagles mo te ngoikore noa.

Engari mate atu ratou i te raupapa, na whai ano na ngā whiu, i riro i ngā Eagles ngā piro.

I te wahanga tuarua, tere rawa te whakautu a te Kapa Māori, ma te whetu maiangi, a Ihaia West, i whakaritea i a Tim Bateman, ka eke panuku tona kapa.

Engari ka whai parirau ano te kapa Eagles, ka piri tata nga kaute he rua tekau ma rua ki te tekau ma iwa.

Engari na tenei piro a Luke Katene, ka poroa ngā parihau o ngā Eagles . Ko te kaute whakamutunga he rua tekau ma iwa ki te tekau ma iwa ki te Kapa Māori.