Kei runga noa atu a Compton Pikari

Mere McLean

Ko Jordan Golding te toa mai te tau o mua mo tēnei tonamana, a, kei te pai tana takaro hahau pōro.

Heoi ano mō te pātūwatawata tuawhitu i uaua te turaki i te taiepa, engari i tutuki i a ia te whakauru i te pōro ki roto.

I timata te whitu tekau ma whitu o nga whakataetae hahau pooro Māori i te Rahina ka huri.   I tēnei rā i te timata te wahanga tutaki, a, mo Compton Pikari tētahi kua takaro ki roto i te NZ Open koia kei te ārahi i ngā kaitakaro tekau ma ono. 

Hei tā Compton, “He ara tuatahi tēnei mo te Māori ki roto i te hahau pōro, he pai te tae mai ō ngā kaitakaro maha, a, ka pai hoki ngā hua ka puta mai, kia nui hāere ngā kaitakaro o tēnei tonamana.

I roto i ngā kaitakaro tekau mā ono ka kite ai tātau i ngā toa ka uru ki roto i te whiringa whakamutunga ka tu hei tēnei Ramere.

 Ko te tumanako a ngā kaiwhakataetae o te tōnamana, ma te pikinga o te tautoko mo taua kaupapa ka piki ano te tautoko ā motu mo te hunga Māori e takaro hahaupōro ana.