Kei rō hōhipera a Battersby whai muri i tētahi aituā ki ngā X Games i Aspen

Kei rō hohipera i Amerika e noho tūroro ana a Rose Battersby, he kaireti huka tāwhai nō Aotearoa, i tuki kikino i tētahi mahinga whakatangatanga i ngā Taumāhekeheke X, i Aspen Colorado.

Kua pāohotia tāna tukinga i runga i te ipurangi, ā, e whakaatu ana te hē o tana taunga atu i tētahi peke, ka tau ki tōna tuarā. E ai ki ngā whakamārama o te wā, kua whara te taha whakararo o tōna tuaiwi, ā, kua tau tōna noho ki te hohipera o Denver.

I eke a Battersby, he tekau mā iwa ōna tau nō Taupō, ki ngā whiringa toa o te wāhanga reti taiheke mā ngā wāhine, i mua i tāna tukinga. I kuraina ia ki Te Kāreti o Tauhara, ā, ko te whakapae, he uri ia nō Ngāti Porou.

Kairīpoata: Piripi Taylor