Kei ngā taumata ikeike a Lisa Carrington

Kua puta te rarangi ingoa whiringa whāiti mō ngā tohu tākaro Halberg mo te tau 2013, ā, ko te autaia hoe waka, ko Lisa Carrington te Māori kotahi kua kōwhiria hei kai-hākinakina takitahi ki te rārangi ingoa rua tekau mā rima o ngā wāhanga e ono o te pō.

Koinei te wā tuarua kua kōwhiria a ia ki te rārangi nei, ā, nā te kaha o tōna rekoata hoe waka i tēnei tau whakataetae, ka eke pea a ia ki te pae.

I tēra tau i kowhiria ia ki te rarangi ingoa mo te waa tuatahi, heoi i puta ke te ihu o tētahi atu toki o ngā taumaahekeheke orimipia, ara ko Vallerie Adams.

Heoi no te wā i kapo i aia tana metara koura tuatahi i te tau 2012 i ngā orimipia i rānana mo te reihi hoe waka 200 mita, kua piki ake te kaha o Lisa ki tēnei tū hākina, a i tēnei tau takaro 2013, i kapo ano i a ia te metara koura mo te 200 mita i ngā whakataetae a āo i tiamani.

Heoi ko tētahi atu whakatutukitanga ona, he kapo hoki i te mētara rauwhero mo te reihi rima rau mīta, he wheako hou mona.

I tua atu i a Valerie Adams kei te rarangi whiringa whāiti ano, ko Lauren Boyle te kaikauhoe rātau ko Lydia Ko te rangatahi wāhine kaihahau pooro ona hoa whakataetae.

Ka tū te pō tohu hei te 13 o Hui Tanguru.