Kaupapa: Touch Rugby

Kei i a Te Aupouri te wikitoria

Rahia Timutimu

Ko Tainui i te kōwhai te kapa tuatahi ki te aru i te rārāngi, heoi, tē tāea te wāwahi i te rārangi ārai.

I mau i a Tainui te pōro, engari nā ngā hapa, kāore i ea i a rātou te huinga tākaro.

Ia wā i riro ia Te Aupouri te pōro, i kake rātou i te rārangi piro. Te wā tuatahi ki te rārangi, kaore i eke. Engari anō te wā tuarua, i eke

Nā tētahi haukoti i eke anō ai a Te Aupouri e rua meneti whai muri iho, kia whai i tā rātou piro tuarua.

Ko te āhua nei i eke a Tainui ki te papa tātai, heoi he rereke ngā whakaaro o te kaiwawao. Rua ki te kore ngā tatau ki a Te Aupouri i te wehenga rua.

Ko Te Aupouri tēra i riro i te piro tuatahi, i te meneti tuatahi o te haurua tuarua.

Ahakoa i tata a Tainui ki te whai piro, kāre i eke.

Heoi, he ngāwari mā Te Aupouri te whai piro, tā rātou tuawhā o te tukinga, kia wikitōria i te tukinga, e whā ki te kore.