Kaupapa: Commonwealth Games

Kei hea te mētara koura o David Nyika?

Rahia Timutimu
  • Tāmaki Makaurau
  • Waikato/Te Waiariki

Kua puta te karanga a te kaimekemeke toa, a David Nyika, kia whakahokia tana mētara koura nō ngā Taumāhekeheke Hoawhenua ki aia, he mea tāhae nā tētahi i tana waka ki Kirikiriroa, e rua wiki ki muri i tōna waka.

Arā noa ngā heke kua ūhia ki runga ki a Nyika i te ngarohanga o tana mētara, i wikitōria ki ngā Taumāhekeheke Hoawhenua ki Ahitereiria, i mieretia te kaiwhawhai nō Ahitereiria, a Jason Whately e ia ki te whiringa toa.

Hei tā Nyika, i tōna waka tōna mētara, kua roa nei te kaiwhawhai e whakaatu ana i tōna taonga ki tōna whānau, āna hoa, i aia e kuhu atu ana hoki i ngā kura huri noa i te takiwā. E whakaaro ana hoki te kaiwhawhai rua tekau mā rua tau te pakeke kia kaiwhawhai ngaio, i tana tūtaki ki te kaiako o Joseph Parker, ki a Kevin Barry.