Kaupapa: Rugby

Kātahi te wikitōria pakeke a te kapa Chiefs ki ngā Blues

updated Rahia Timutimu

I te tino hiahia te kapa Blues ki te whai i tētahi wikitōria, heoi kāre a Chiefs mo te tūohu noa ki Kirikiriroa.

Heoi ko Chiefs tēra i whai te piro tuatahi o te tukinga i mua i tā rātou haukainga.

He uaua mā Blues ki te eke ki te rārangi piro o te kapa Chiefs i te haurua tuatahi, ā, nā ngā hapa paku i raru ai rātou, kia tekau ki te toru i te wehenga rua.

He ono mēneti noa iho te roa i te haurua tuarua kia whai a Blues i tā rātou piro tuatahi, kia ōrite ai ngā tatau i te tekau piro ki ia kapa.  I whai a Blues i tētahi whana hāmene kia tuku ki mua.

Heoi i hoki mai a Chiefs he ruarua mēneti whai muri iho.

Kāre i roa, ka whai a Chiefs i tētahi piro anō me te whai tētahi kiki hāmene anō hoki.

I mua i tā te Blues hoki mai, me te whai tētahi kiki hāmene.

Heoi kāre i tino eke, kia wikitōria ngā Chiefs, he rua tekau mā toru ki te tekau mā ono.