Kaupapa: Rugby

Kāre he panonitanga i te aro-ā-kapa Ōpango

James Perry

Kāore te poutaha Ōpango a Sam Cane e wehi ana ki te kapa o Wīwī mo te tukinga tuarua hei te pō o te Rāhoroi. 

I werohia te kapa Ōpango whai muri i te tūtukitanga a Sam Cane rāua ko Ofa Tu'unagfasi ki te paehau o Wīwī, ki a Remy Grosso, ko te whatinga o te pakohu me te tukemata o Grosso te mutunga mai. I hāmenetia a Cane engari kāre i whai kāri kōwhai. Ko tā Cane kōrero, koinei te āhua o te tākaro. 

I te kōrero a Cane ki te ao pāpāho i Pōneke i mua i te tukinga, ka mea atu ia ko tā te Ōpango aro, kia rutu tika, hēoi, nā te āhua o te whutupōro ka taka ki te hē i ētahi wā, ka mutu, ka kore rawa tētahi kaitākaro e paku hiahia kia whara kinotia tētahi atu i ā ia.

Ahakoa ngā whakawhiu ō te wā, kua whai wāhi anō ā Cane rāua ko Tu'ungafasi ki te kapa. Kāore he panonitanga o te aro-ā-kapa i whakaingoatia e te kaiako Ōpango, e Steve Hansen.

Ko te aro-ā-kapa, (me ngā whakamātautau kei rō tohu taiapa)

1. Joe Moody (32)
2. Codie Taylor (30)
3. Owen Franks (96)
4. Samuel Whitelock (97) - captain
5. Scott Barrett (17)
6. Liam Squire (16)
7. Sam Cane (54)
8. Luke Whitelock (3)
9. Aaron Smith (72)
10. Beauden Barrett (63)
11. Rieko Ioane (14)
12. Ryan Crotty (33)
13. Anton Lienert-Brown (23)
14. Ben Smith (65)
15. Jordie Barrett (3)
16. Nathan Harris (12)
17. Karl Tu'inukuafe (1)
18. Ofa Tuungafasi (15)
19. Vaea Fifita (6)
20. Ardie Savea (23)
21. TJ Perenara (43)
22. Damian McKenzie (13)
23. Ngani Laumape (5)