Karahuihui ai te iwi ki te whakataetae hākinakina o Muriwai i Ōpōtiki

Mere McLean
  • Waikato/Te Waiariki

Kua whakakao atu ngā uri whakaheke o Muriwai ki Ōpōtiki i te rā nei mō te whakataetae tōnamana o taua tipuna i tīmata i te rā nei.

Koinei te tau toru tekau mā rua kua tū te tonamana o Muriwai.  I kitea tuatahi te wāhanga poitūkohu ki te tōnamana nei.  I ēnei rangi whakatā hoki neke atu i te toru rau kaitākaro ka uru mai. 

Hei tā Pita Pitara, “Tēnei kaupapa e haere i te rangi nei, kei te titiro mātou mō a tātau tamariki, te āhua kei te hara hoki te āhua o te mīhingi, ā, te kore mahi o tērā whakaaro, ngā ture hoki a te pākeha me te hauora.”

Ka hāere tonu tēnei tonamana āpōpō ko ngā pākeke ērā ka tākaro whutupōro me te netipōro.  Hei te Rātapu tu ai ngā whakamaharatanga mō te pakanga o Te Tarata e whakakapi i ngā nekehanga ki Ōpōtiki i ēnei rangi whakatā.