Ngā kaupapa: Fitness, Waka Ama

Kapa Rūruhi Waka Ama o Aotearoa e rite ana mo te whakataetae o te ao

Mere McLean
  • Waikato/Te Waiariki

He mētara koura te whai a te kapa rūruhi o Aotearoa e ono tekau tau te kaumatuatanga ki te whakataetae a ao ki Tahiti-nui hei te Hōngongoi. I ēnei rangi okioki i te whakaharatau rātou ki Rotoiti. E kore e mutu ngā whakaharatau mo ēnei rūruhi ahakoa te ua kua tomo mai ki roto i te whare ki te inu kapu tī. Mo Hilda Halkyard-Harawira tētahi o ngā mema o te tima “tekau mā whā ngā wāhine rūruhi.

Ono tekau tau nui ake I tērā, me tētahi tima whitu tekau tau. Āe, maha ngā mea ka whakaako kia mātou, te hoe tahi, me te pēhea te horohoro te waka me ērā mea, engari ko te mea nui ko te hoe tahi”. Neke atu i te ono marama e whakahui ana rātou i a rātou heoi i ēnei rā okioki i pōhiri atu rātou ki tētahi o ngā mātanga waka ama hei hapai i a rātou.

Ki tā te Kaiwhakawā o te kōti whenua Māori a Caren Fox “i hara mai a Corrina Gage ki te whakatikatika i ngā hē, i ngā wā i kauhoe ana mātou. He mea tino uaua mo te hinengaro na te mea nui ngā wāhanga o te rēhi, mai te timatanga tae noa ki te mutunga, rerekē ngā ahuatanga o ia hoe”.

Nō ngā tōpito o te motu ngā kaihoe o tēnei kapa mai Ōtepoti, ki te Tonga tae noa ki Kaitāia i te Raki. Ki tā Halkyard-Harawira anō, “kua rite, kua rite, āe, tino pakari ngā wāhine, tino toa ēnei katoa, ā, kua rite mātou e tino aro ana mātou mo te haerenga inaianei, he haere ki reira Tamanuitera me ērā ahua katoa o Tahiti nui.

Mo Kaiwhakawā Fox hoki “kei te tautoko mātou i a mātou anō i ngā wā katoa, ahakoa he whakataetae ko te mea nui ki a mātou ki a kauhoe, kotahi tātau, koira te mea nui i kite koe te hauora kei roto i ngā wāhine toa i konei kei te tino kaha rātou”. Koinei te wā whakamutunga ka kite rātou i a rātou i mua i to rātou hikipapa ki te whakataetae IVF Waka Ama hei te Hūrae.