Kaupapa: Rugby

Kāore he rerekētanga ki te kapa Black Ferns mō te tukinga ki te kapa o Ingarangi

Te Kāea
Black Ferns - Photo / file

Kāore he paku rerekētanga ki te kapa Black Ferns ka tākaro atu ki a Ingarangi hei āpōpō ki tā te tira i haukerekere i a Kānata i te Rātapu.

Mārama te kite ake i te tukinga tuatahi o te whakataetae Super Series ki Alberta ko wai te kapa haka ake, ā, kāore tētahi i taea te aukati i te paehau mōrearea nei nō Ngāti Raukawa a Honey Hireme i te whiwhinga o āna piro e rua, kia eke ngā tatau ki te whā tekau ki te rua tekau mā rua.  

Heoi e kore rawa te kaiako o te kapa Black Ferns a Glen Moore e noho hāneanea ana i runga i te mōhio he tira rīrā a Ingarangi, ā, ko rātou ngā toa whakaihuwaka o te Ao i tēnei wā.