Kāore he mau papare māhunga mā Tua i ngā wā whakangungu

Tamati Tiananga

He karo, he tou tīrairaka i te reanga heavyweight, koia pū te take e mea ana ētahi, he kauae māro tō Tua.

Ko te take, hei tāna, kia waia ia ki te karo i te whiu meke ki te ūpoko, ā, kia mōhio ia me pēhea te tiaki pai i a ia i mua i tana tukinga nui hei te toru wiki e heke mai nei.

He tangata māia tōna hoariri, he tere, he koi hoki te āhua whawhai o Alexander Ustinov, he anga whakamua tōna tū, he tāroaroa, he taumaha hoki a ia.

Ko Raymond Olubowele te hoa whakaharatau a Tua, i karangahia a ia me te mōhio he ono ira whitu pūtu tōna teitei, he kotahi rau, rua tekau mā rima kiro karamu tōna taumahatanga.

Hei tā Tua, nā ngā pukenga o tana kaiako hōu ka ngawari ake tana whakarite mō te whawhai nei.

Otirā ko te hunga e whakahihiko nei i te wairua o Tua, ko tōna irāmutu, ko rātou e āki nei, e hāpai nei i a Tua kia eke panuku.