Ka whawhai te toa MMA ā Faith Van Duin ki a Amanda Bell ki te tauwhāinga Invicta FC 12.

Tamati Tiananga
  • Tāmaki Makaurau

Ka whawhai te toa featherweight MMA wahine a Faith Van Duin ki a Amanda Bell ki te tauwhāinga Invicta FC tekau mā rua. Kei Tāmaki Makaurau e mātaki ana i te tukinga a te kapa Pōtae Pango ki te Tonga o Awherika ka mutu, i whai wā ia ki te kōrero ki Tamati Tiananga me tana whawhai e kainamu mai nei. 

He nohonga tahi ki tana whānau tōmua i tana whawhai nui ki a Amanda Bell ki te tāone o Kansas hei te rua tekau mā whā o ngā rā o Paengawhāwhā te aronga i tenei wiki mo Faith.

I te ata tonu nei a Faith rātou ko āna kōhine tokorua, to rāua kuia hoki ka haere atu ki te whiringa whāiti Ipu Kirikiti, he tīkiti nā tana pōtiki i toa i tētehi whakataetae. 

Ā ahakoa ko te whāinga i te rā nei ko tana whānau me te kirikiti, i whai whakaaro tonu ai ia ki āna mahi parawhakawai me te hunga o City Kickboxing, arā a Israel Adesanya me āna hoa kia rite ai mō Amanda.  

Ko te tikanga ka whawhai a Faith ki te huinga whawhai Invicta FC tekau ki a Charmaine Tweet, engari i heke iho te hoariri nā runga i te māuiui.

Hei tā Faith, mā ana pūkenga whawhai e eke panuku ai ia. Hei te rua tekau o ngā rā o Paenga whāwhā rere atu ai ia ki te tāone nui o Kansas.