Ka whawhai ki Paniora tētahi toa whanameke nō Pā Harakeke

Aroha Treacher
  • Te Tai Rāwhiti

Ka ahu atu te toa teina whanameke o Te Ika a Māui a Kelvyn Jones ki te whakataetae Unified o te ao ki Paniora.  Koirā te whakataetae whawhai nui rawa o te ao, ki reira tātāwhai ia ki ētahi o ngā toa nō te ao whānui.

I tipu ake ia i Pā Harakeke, he tekau mā waru ngā tau o Kelvyn Jones, ko tāna, nā te whanameke i whakahōutia tōna oranga.

"Nā te whakangungu whawhai i tīni toku tirohanga, kua whakapai ake āhau i ahau anō, kia whakatika hoki," tā Jones kōrero.

I tīmata ai ia te whanameke i te tau rua mano tekau mā rua, i tērā tau i whiwhi ki a ia te taitara WKA teina toa atu i tōna turakitanag o Ethan Moverley.

Ākuanei, ka kaikapua ia mō te wā tuatahi ki Paniora, i reira, whakataetae tahi atu ki waeganui i ngā kaiwhawhai nō ngā whenua kōtahi rau neke atu, i te wāhanga ono tekau mā rima kirokaramu.

"He tōnamana nui rawa o te ao tēnei, e hia mano ngā kaiwhakataetae nō ngā momo whawhai katoa, koira te rerekētanga o tēnei tōnamana," tā Patrick O'Brien, tana kaiako.

He tauira o mua o te kura tuarua o Karamu, kei te ako pūkenga hanga whare hoki a ia, ahakoa tana pukumahi e rua ngā taima ia rā o te wiki he whakangungu te mahi.

"He mahi nui horekau he wā ki te kōrero ki āku hoa, engari, ka mōhio pū au, ka puta mai ngā painga o taua mahi," tā Jones.

He tauira ō-mua o te kura tuarua o Karamu, kei te ako pūkenga hanga whare hoki a ia, ahakoa tana pukumahi e rua ngā taima ia rā o te wiki he whakangungu te mahi.