Kaupapa: Boxing

Ka whakawawao a Haunui i tana taitara whawhai

  • Waikato/Te Waiariki

E whakaharatau ana a Hiki-te-tapu "Swift" Haunui o Waingaro Marae mō te whakataetae "Battle In The Waikato", ka tū ki Kirikiriroa hei te Hui Tanguru.  Kei te hiahia ia ki te whakawawao i tōna taitara New Zealand Works Kickboxing Association.

Kei te whana i ngā taurikura ki te taha, kia whakawawao i tōna taitara.

Hei tā Haunui, “Mehemea ka parakatihi koe i ngā wā katoa, ka pai ake ki roto i a koe.”

Ko te whakaaro i roto i te īngoa o te tangata tētahi mea ka whakaatu i ou pukenga.  E ai ki a Haunui, ko ōna taitara te taunakitanga mō tōna īngoa.

Ki tā Haunui, “Ko ‘Swift' tōku īngoa i roto i te mura o te ahi, i whiwhi ahau i tēra ingoa nō oku nekehanaga i roto i ēnei mahi, me oku mahi kanikani hoki.”

Waru tau te roa e whakapau kaha ana a Haunui ki ngā mahi MMA, ā, i roto i tērā wā kua kapo ake i ngētehi taitara o Aotearoa, me tētahi taitara toa mō te ao.

Ka whakaharatau a Haunui ki roto i Te Whare Oranga i Rāhui Pōkeka, e ai ki a ia ko te wairua Māori o tōna hapori te take e hiahia ana ia ki te tohatoha i ngōna ākonga.

E ai ki a Haunui, “Hoatu i ngā āhuatanga kua ako e au ki a rātou kia eke rātou hoki ki ēnei o ngā mahi whawhai mēnā e hiahia ana  rātou, otirā ki te whakapakari hoki i a rātou anō.”

Kotahi marama te roanga mōna ki te whakawawao i te taitara World Kickboxing Association toa o Aotearoa, hei whakakaha i a ia, kāore anō te īngoa o tōna hoariri e mōhiotia ana.