Kaupapa: Health

Ka whakawāteahia e Ben Afeaki tōna tūranga whutupōro whai muri i tētahi whara ki tōna upoko

Rahia Timutimu

Nō te rā nei ka puta te uri o Ngāti Awa, a Ben Afeaki, ka whakairi i ana hū takaro, nā ngā raru hauora te take.

I tēra tau ka whara te poumua i te tukinga o tana māhunga i te marama o Hui-tanguru, ā, mai taua wā kua noho whara tonu ia.

Kua tākaro te poumua, he rua tekau mā whitu ngā tau, i ngā tukinga toru tekau mā ono mā te kapa Chiefs.  I whakaingoatia a ia ki te kapa Ō Pango i te tau rua mano tekau mā toru, ā, e waru āna tukinga mā te kapa Ō Pango Māori.

Ko tētahi mahi uaua rawa atu ki a ia, ko te whāki ki āna hoa kaitākaro Chiefs ka kore anō ia e eke ki te papa whutupōro.

Hei tā te kaiako Chiefs a Dave Rennie, he kōrero pouri tēnei, engari e tika ana.  He hononga tata tā raua, mai i te tau rua mano mā waru, ko Dave te kaiako a Ben i te kapa o Aotearoa, he rua tekau ngā tau heke iho.

He rua tekau mā whitu noaiho ōna tau, ko te pātai, ka aha te uri Māori inaeanei?

Ko Ben te tuatahi o ngā kaitākaro O Pango ki te whakamutu i te tākaro whutupaoro, nā te māhunga pao, heoi ko te oranga te mea nui.